Þeir sem myndu brjótast inn og stela téðum lykilorðaskrám væru þeir sem myndu nýta þær til að komast að lykilorðunum. Þjófarnir geta síðan fundið aðferð til þess að ná auðkennislyklunum af nokkrum viðskiptavinum eða platað þá til að gefa upp nokkrar runur.

Mér finnst þessi grein Svavars vera mjög djúp, og virkilega þess virði að fólk taki eftir henni. Ég er forritari sjálfur, og mér hefur aldrei dottið í hug að beita þessari reglu. Nema þeirri sem hann bendir sjálfur á að sé góð: Ekki hafa lykilorðið þitt styttra en 8 stafir.

Það sem ég geri við lykilorðastrenginn, þegar fólk skráir lykilorð, er að breyta honum strax í MD5-hash-aðan streng, og geymi hann þannig í gagnagrunninum. Þegar fólk loggar sig inn, ber ég saman það sem það sló inn (MD5-hash-að að sjálfsögðu) við það sem er í grunninum. Ef strengirnir eru eins, er um sama lykilorð að ræða. Þannig að þó svo að þú komist í lykilorðaskrána mína og takist að opna hana, ertu ekkert betur settur